ကဗျာဆရာ ရွှေလင်းထန် ရဲ့ ကဗျာ များ

ဖူးစာ၏အလွန်


ငါ့မြေရိုင်းပေါ်မှာ
ပန်းတိုင်းမပွင့်ခဲ့ပါ-----

တတိယမျှားနဲ့ခြွေတဲ့သစ်သီး
စားခဲ့ပြီးမှ
ပဒိုင်းင်္သီးမှန်းသိလိုက်ရ------

နာကြင်စွာ ထွေးစွန့်အန်ချ
သစ်စာပန်းကမပွင့်ဘူး
ငါ့မှာတော့အရူးအမူးကိုဖြစ်လို့-
----

ရွှေလင်းထန်
သေတမ်းစာ

ငါဟာ -----
ချယ်ရီလား မက်မွန်လား
အရောင်တွေကို မခွဲခြားတပ်ချိန်
ရင်တခွင်လုံး ပန်းတွေဝေအောင်ပွင့်တယ် -----
မနက် နေ့ ည
သူမအကြောင်းပဲပန်တယ် -----
နွေ မိုး ဆောင်း
ခွန်နှစ်ကြိမ်တိတိပြောင်းတယ် -----
မဟောင်း မပျက်
နေ့သစ်တခုလို မြတ်နိုးတယ် ------
အမြဲထာဝရ အတွက်တဲ့
အချစ်ကိုမျိုးစေ့ချ
အသီးအပွင့်ဝေကာမှတဲ့လား
ပိုးစားနေတဲ့ သက်သေက
ဘ၀ငြမ်းကိုဖြိုဖျက်
စာကျက်ဟောင်းဥယျာဉ်ထဲ
တယောအိုနဲ့ တေးဆိုချော့သိပ်
မင်းအရိပ်ဟာ
ငါ့အတွက် အဆိပ်ဖြစ်စေခဲ့တယ် ------
ရွှေလင်းထန် ( 15-9-09 )
ကမ်းဝေးကြယ်
ရွှေလင်းထန်
ကမ်းခြေမဲ့ ပင်လယ်ပေါ်မှာ
ပြေးလွှားနေတဲ့မင့်စိတ်တွေရှိနေမလား
လေပြေတွေနဲ့အတူ
ကိုယ်သင်းရနံ့ကိုလိုက်ရှာနေမိတယ် ------
စိုက်ပျိုးရှင်သန်ခဲ့ဖူးပါရဲ့
ပန်းတွေပွင့်လိုက်ကြတာများ
ဝတ်ရည်တွေဘယ်မှ မခန်းကြဘူး
ဒီလိုနဲ့----
မဆုံနိုင်တဲ့ဥယျာဉ်ကို ဖန်တီးဖွင့်ဆိုမိကြပြီ
ရဲရဲရင့်ရင့်စွန့်လွတ်လိုက်နိုင်ဖို့
မင်းပေးဆပ်နိုင်တာသိပါရစေကွယ် ------
ပင်လယ်ပြင်လည်း သူအတိုင်း
ပန်းများလည်းဝေနေကြပါစေ
တို့နှစ်ဦးက မှတ်တိုင်ကိုယ်စီနဲ့
မင်းကလေညှင်းခရီးသည်ပေါ့
ငါကိုယ်တိုင်တော့ အတိတ်ရဲ့အနက်ရိုင်းဆုံး
မေ့ခွင့်ရှိတဲ့နံရံတွေထိသွားမယ် ------
ဒီည ----
ကောင်ကင်ကိုမော့ကြည်လိုက်ပါချစ်သူရယ်
နီးနီးလေးမြင်ရပေမဲ့
အလင်းနှစ်ပေါင်းတစ်ရာဝေးတဲ့
မင်းနဲ့ငါက
ကြယ်နှစ်လုံး -------
ရွှေလင်းထန်
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

အလွမ်းတစ္စေ
ရွှေလင်းထန်
အိပ်စက်ဖို့ မျက်လုံးတွေ မှေးစက်သွားချိန်မှာ
အထက်တန်း ကျောင်းသားဘ၀က
ဒိုင်ယာရီ စာအုပ်လေးကိုလွမ်းတယ်
ပြန်မဆုံနိုင်တော့တဲ့ ငှက်ကလေးတကောင်နဲ့
မြတ်နိုးခဲ့ဘူးတဲ့ပြက္ခဒိန်ရက်စွဲတွေကို လွမ်းတယ်
ငါရေးဖွဲ့ခံစားခဲ့တဲ့ ကဗျာတချို့နဲ့
သူမပေးခဲ့တဲ့ ခဲတံနီလေးတချောင်းကို လွမ်းတယ်
သက်ပြင်းတချက်နဲ့ သတိယခြင်းအဆုံးသပ်မှာ
သူမရဲ့ မေးဖျားကမှဲ့နက်လေးတလုံးကို
ခပ်စင်းစင်း မြင်ယောင်ကျန်ရစ်ခဲ့တယ်
အစိပ်စိပ်ကွဲကြေသွားခဲ့တဲ့ငါ့ရင်ဟာ
နွေပေါင်းများစွာနဲ့
အသားမာတက်ခဲ့ပြီးတာတောင်
ကောက်သင်းရနံတွေရတိုင်း
နင့်ကိုလွမ်းနေနိုင်သေးရဲ့
အဲဒီအချိန်က ကောင်မလေးရေ
ဆောင်းသင်းတဲ့ လပြည့်ညနက်နက်တွေမှာ
နင်ခွင့်မပြုလည်း
ရင်နဲ့ရိုက်ခတ်တဲ့ စကားစုတချို့တလေနဲ့
ငယ်ဘ၀မှာ ပြေးလွှားပျော်ဝင်နေမိတယ်
ငါမတမ်းတသင့်တော့ပေမယ့်လည်း
အလွမ်းရယ် ----
အချိန်အခါမဲ့မိုးလို ရင်ထဲမှာပြိုဆင်းတားမရခဲ့
ဘယ်ကာလတိုင်တော့မလဲ
ငါ့စိတ်ကူးနဲ့ ငါ့မြို့ဟောင်းထဲမှာ
ကိုယ်တိုင်ကျန်နေရစ်ခဲ့ပြီ ---------
ရွှေလင်းထန်
မင်း ဆင့်ခေါ်ခဲ့သော နာဂစ်
အမှားပြင်ဆင်ချက်မကင်းတဲ့သတင်း
နဲ့
နှစ်ခါပြင်ပြောတဲ့စကားလဲကြားခဲ့ရ
ခွင်လွှတ်ဖို့အကြောင်းအရာထက်
ငါမပေါင်းဖက်ချင်တဲ့ မင်းမာန
နောင်တကို မင်းမသိမှတော့
ကျွှဲပါးစောင်တီး
သွားပြီးတဲ့ခရီးဟာအပိုပဲ
သစ္စာထားမူရဲ့ အခြေခံလိုအပ်ချက်ဟာ
BA မဟုပ် ------
B.Sc မဟုပ် -----
international မဟုပ် -----
global မဟုပ် ----
Democracy လဲ မဟုပ် -----
Freedom လဲ မဟုပ် ------
အဲဒါ ----
လူသားဆန်တဲ့ စည်းလေးတခုပါပဲ
မင်းပုံပြင်က
မယ်သီတာခုန်ခဲ့တဲ့ခြံစည်းရိုးမှမဟုပ်တာ
ငါကိုယ်တိုင်လဲ
မြေပုံမရှိတဲ့ဒေသမှာ
ခေါင်းဆောင်မဲ့တိုက်ပွဲနဲ့
စစ်ဆင်နွဲမနေတော့ဘူး
သံယောဇဉ်နဲ့ ဇွဲကြိုးမချမိခင်
အိပ်ယာလိပ်ပြင်တာပဲကောင်တယ် -------
ရွှေလင်းထန်
လမင်းရဲ့ သတ်ကွင်းထဲကငါ ရွှေလင်းထန်

တနေ၀င် တနေထွက်နဲ့
ငါ အသက်ဆက်ရှင်နေရ
ဒီကာလတဆုံးမှာ
ငါမင်းကိုမမုန်းပေမယ့်
ငါ့ဆုံးဖြတ်ချက်က နိဂုံးတိုင်ခဲ့ပြီ
နေပါစေလေ ---
သံသယအတွေးတွေမှ မဟုတ်တာ
သက်သေသာရက ရှိခဲ့တာတောင်
အမှောင်ကိုအလင်းမလုပ်စမ်းပါနဲ့
ဆန္ဒပုဝါကို အခါခါဝတ်ဆင်ခဲ့ပြီးမှ
ညစ်နွမ်းလှတဲ့ မင်းမိုးတိမ်ကို
ငါ့အိမ်အဖြစ်လဲ မိုးမခိုတော့ပါဘူး
တယောက်ရင် တယောက်မှီနွဲ့လို့
အသက်ထက်ဆုံးဆိုတဲ့ ငယ်ငယ်ကစကား
မင်းပြောခဲ့တာမှ ဟုတ်ရဲ့လားကွယ် ---
ဘ၀မှာအခိုက်အတန့်လေးအဖေါ်မဲ့ယုံနဲ့
ခိုလှုံခဲ့တဲ့ရင်ခွင်တွေ
ငါကတော့ရှင်လျှက်နဲ့ သေဆုံးသွားရ
အခုမှတော့ ---
သိက္ခါတွေကြိုးကျစ်မနေပါနဲ့တော့
မင်းပြန်မဲ့လမ်းလဲငါမှန်းလို့
ရတယ်
ကျန်ခဲ့တဲ့လမ်းလဲ ငါလှမ်းရအုံးမယ်
သံယောဇဉ်အကြွင်းအကျန်က
ပျော့ညံ့အောင်အခါခါခြောက်လှန့်လို့
မျက်ရည်လဲဆို့ပါစေတော့ကွယ်
အူတိုင်ကအနာမို့
ပျားစွဲလို့ အပင်ချိုင်တယ်ပြောကြမလား
မင်းကိုချစ်တဲ့ငါ့နှလုံးသားကတော့
ပြိုလဲသွားရပြီ ------
ရွှေလင်းထန်