Atom Feed (xml)
ဆောင်းနှင်းတွေကြား က ကလေးဝက ပေါင်းတင်းသည်(သယ်)တွေ
ဒီနှစ်ဆောင်းရာသီဟာ အယ်နီညို ဆိုတဲ့ အသံတွေကြောင့် အေးမှ အေးပါ့မလားလို့ ထင်မိပါတယ်။ ဒါပေမယ့် အရင်နှစ်တွေလို မဟုတ်ပေမယ့် အအေးဓါတ်လေး က ချင်းတောင်နဲ့ ချင်းတောင်ခြေကို ရောက်လာခဲ့ပါတယ် ။ဒီလို ဆောင်းရာသီမှာ ဒီနယ်ဖက် က ဒေသအစားအစာ ဖြစ်တဲ့ ဒေသအခေါ် ပေါင်းတင်၊ တချို့ နယ်တွေက ကောင်းညှင်းကျည်တောက်၊ တချို့ ကခဲတံချောင်း လို့လဲ ခေါ်ကြပါတယ်။ ဒီနယ်မှာတော့ ကလေးဝပေါင်းတင်း ဟာ မိတ်ဆွေတွေအတွက် လက်ဆောင်ပေးရတဲ့ ဒေသလက်ဆောင်တစ်မျိုး ဖြစ်ပါတယ်။ ၀ါးဖတ်လေးတွေပါအောင်ခွာ ရင်း ၀ါးနံ့ သင်းသင်းလေးပါတဲ့ ကောက်ညှင်းကျဉ်တောက်ဟာ စားရတာ မဖေါ်ပြနိုင်တဲ့ အရသာပါ။ မနက်ပိုင်လက်ဖက်ရည် ကြိုက်တတ်တဲ့ သူတွေက လက်ဖက်ရည်နဲ့ ပေါင်းတင်းလေး ကိုအရသာခံလို့ ။တချို့ ကြတော့လည်း ပေါင်းတင်းကို ဆီလေးအိုးကင်းပူတိုက်ပြီး တော့ ကြော်လို့ ၊တချို့ ကြတော့လည်း ငါးခြောက်ဖုတ်လေး ကိုပေါင်းတင်းနဲ့ တွဲဖက်လို့ ၊မိသားစုတွေက ဒေသထွက် စားတော်ပဲပြုတ်လေးနဲ့ ပေါင်းတင်းလေးတွဲဖက်သုံးဆောင်ကြတယ်။ ပေါင်းတင်းနဲ့ တချိန်ထဲပေါ်လာတဲ့ မုန်ညှင်းဟာ ဒေသမှာတော့ မုန်ညှင်း ရွက်တွေ ကိုဆိတ်ဆွ ပြီး၊ အသီးအနှံ လေးတွေရောကာ ဆန်မှုံ့ စစ်လေးနဲ့ ကြက်သွန်ဖြူ ၊ဂျင်းထောင်းကာ ရောနယ်သမပြီးတော့ ပေါင်းလိုက်ကာ ဟင်းပေါင်းဆိုပြီး စားကြပါတယ်။ ပဲဆီ၊နှမ်းဆီစစ်လေးကို ဟင်းပေါင်းလေးကိုလောင်းပြီး ပေါင်းတင်းလေးနဲ့ ပေါင်းစပ်၊တွဲဖက် သုံးဆောင်လိုက်လို့ ကတော့ ဒီဒေသကို လွမ်းလွန်းလို့ နောက်တစ်ခေါက်ပြန်လာရ ပါလိမ့်မယ်။
အဝေးရောက် ကလေး၊ကလေးဝ၊တမူးနယ်က ဒေသခံတွေ သရေကျတော်မူအောင် ရေးသားလိုက်ရပါတယ်။
Subscribe to:
Post Comments (Atom)
No comments:
Post a Comment