Atom Feed (xml)
ချင်းတောင်ခြေက ခရစ်စမတ်တေးသံများလွင့်ပျံ
ဒီဇင်ဘာနှင်း တွေဟာ ဘယ်တော့မှာ ကျလာမလဲ လို့ ၊ ဒီနှစ်မှာကော ကျအုန်းမှာလား လို့ သို့လောသို့လောနဲ့ အယ်နီညို ကြောင့်များ ချင်းတောင်ခြေ ကနှင်းတွေပျောက်သွားမလားလို့ စိုးရိမ်နေကြရပါတယ်။ ဒါပေမယ့် လက်တွေ့မှာ တော့ခါတိုင်းနှစ်တွေလို မအေးပေမယ့် အအေးဓါတ်ကတော့ ရောက်လာခဲ့ပါတယ်။ အအေးဓါတ်နဲ့အတူ လွင့်ပျံလာတာက ခရစ်စမတ်သီချင်းတွေပါ။ နှင်းမှုံနှင်း စက်တွေ ကြားမှာ ခရစ်စမတ် သီချင်းတွေဆို ခဲ့ကြဖူးတဲ့ သူတွေဟာ ဒီလိုအချိန်ကို မျှော်လင့်နေပါတယ်။ နှင်းများများမကျပေမယ့် နှင်းမှုံလေး တွေ ကိုခရစ်စမတ် တေးသံတွေနဲ့ အတူ တော့ တွေ့ ရပါပြီ ။ ချင်းတောင်ခြေ ဟာ ချင်းလူမျိုး တွေအမှီသဟဲပြု နေထိုင်ကြပါတယ်။ ချင်းလူမျိုးတို့ ရဲ့ ခရစ်စမတ်ပွဲတော် ဟာလဲ နှင်းတွေနဲ့ အတူ ရောက်ရှိလာ ပါပြီ ။ အိမ်ဝေးသူတွေ နဲ့ အဝေးရောက်အိမ်မပြန်နိုင်သူတွေဟာ ဒီလိုအချိန်မျိုးမှာ လွမ်းစိတ်ဟာ ဘယ်လိုမှ ထိမ်းချုပ်မရနိုင်တော့ပါဘူး ။ဒီအလွမ်း တွေကိုနှစ်သိမ့် ပေးဖို့ အတွက် ကိုမြစ်သာတို့က အထူးကြိုးစားဖြေသိမ့်နိုင်အောင်ကြိုးစားပေးပါ့မယ်။ ခရစ်စမတ်ပွဲတော်ရဲ့ အကြောင်းလေးတွေနဲ့ ကလေးမြို့ ရဲ့ ဒီဇင်ဘာအနံ့ အသက်တွေ ခံစားရသလောက်တင်ပြပေးပါ့မယ်။
ကယ်ရော်ဆင်းလို့ ဒေသခံတွေ သိကြတဲ့ ခရစ်စမတ်ဆုတောင်းတေးသံတွေ ဟာ ချင်းတောင်ခြေကိုလွင့်ပျံ လာပါပြီ။ ဆောင်းကာလရဲ့ အအေးဒဏ်ကိုအန်တုရင်း ခရစ်စမတ်တေးသံတွေကို သီဆိုနေတဲ့ ကယ်ရော်ဆင်း အဖွဲ့ တွေရဲ့ ခရစ်စမတ်တေးသံတွေဟာ ဆောင်းရဲ့ သရုပ်ကို ပိုမိုပီ ပြင်စေပါတယ်။ ချင်းတောင်ပေါ်မှာလည်း တောင်ဇလပ်တွေ၊ချယ်ရီပန်းတွေပွင့်နေပြီလို့ ချင်းတောင်က ဒေသခံတွေ ပြောကြပါတယ်။ ဒီဇင်ဘာရဲ့ ဒုတိယအပတ်မှာတော့ ဟားခါးမြို့ ဟာ သုံည ဒီဂရီ ပတ်ဝန်းကျင်ရောက်အောင်အေး နေပြီလို့ သိရပါတယ်။ ချယ်ရီ၊ တောင်ဇလပ်၊ နဲ့ ခရစ်စမတ်ရဲ့ တေးသံတွေအကြောင်းကို နောက်ရက်မှာ ဆက် ခြင်ပါသေးတယ်.............။
Subscribe to:
Post Comments (Atom)
No comments:
Post a Comment