Atom Feed (xml)
ကလေးဒေသခံ စာရေးဆရာများ ၏ စာပေဟောပြော ပွဲ ကျင်းပ
ကလေးမြို့ မှာ တော့ ကလေးနယ်က ဒေသခံ စာရေးဆရာတွေ က ဟောပြောခဲ့ တဲ့ စာပေဟောပြော ပွဲ ကို ၂၀၀၉-ခုနှစ် နိုဝင်ဘာလ ၂၁ ရက်နေ့ မှာ ကလေးမြို့ ဗိုလ်ချုပ်လမ်းမှာ ရှိတဲ့ နှစ်ခြင်း အသင်းတော်မှာ ကျင်းပ ခဲ့တယ်လို့ သိရပါတယ်။ ကလေးမြို့ မှာ အခါ အားလျော်စွာ စာပေဟောပြောပွဲတွေကို နိုင်ငံ ကျော်စာရေးဆရာကြီးများ ဖိတ်ကြား ပြီး ကျင်းပခဲ့ ပါတယ်။ ဒါပေမယ့် နှစ်စဉ် ကျင်းပ နိုင်ခြင်း မရှိပါဘူး။ နောက်ဆုံးအနေနဲ့ နေသာစာကြည့်တိုက်ဖွင့်ပွဲ အနေနဲ့ ဆရာလယ်တွင်းသားစောချစ်နဲ့ ဆရာမ ဒေါ်သန်းမြင့်အောင် တို့ ဟောပြောတဲ့ ပွဲ ဟာ နောက်ဆုံးကျင်းပ ခဲ့ပါတယ်။ နေသာပညာ ဒါန ရဲ့ (၁၅)နှစ်မြောက်ပွဲမှာ တော့ စာပေဟောပြောပွဲ ကျင်းပ မယ်လို့ တော့  ပြောဆိုသံတွေ ကြားနေရပါတယ်။
အခု လို နှစ်ခြင်းအသင်းတော်မှာ ကျင်းပ တာဟာ နှစ်ကြိမ် မြောက်ရှိပြီလို့ သိရပါတယ်။ အရင်နှစ်တွေတုန်းက လည်း မြို့ ခံ စာရေးဆရာတွေ ပဲ ဟော ပြောခဲ့တာပါ။ စာပေ၀ါသနာပါတဲ့ အသင်းတော် လူကြီးများ က " အခုလို စာပေဟောပြောပွဲကျင်းပါတာ ကျွန်တော်တို့ ချင်းလူမျိုး တွေ စာပေနဲ့ နီးစပ်အောင်ပါ။ စာဖတ်တဲ့ သူနဲလာတယ်။ ချင်စာပေမှာလည်း ဘာသာရေးနဲ့ ပတ်သက်တာတွေ ရှိပေမယ့် ၊ ရသ ၊သုတ စာပေ တွေ ချင်းစာ နဲ့ ရှားသေးတယ်။ အဲဒီ ကွက်လပ်တွေဖြည့်ချင်တယ်။ လူငယ်တွေ စာပေအသိ များများ ရစေချင်တယ်။ ချင်းစာပေမှာလည်း သုတ ၊ ရသ စုံအောင် ဖြစ်စေချင်တယ်" လို့ ပြောပြ ပါတယ်။
အခု စာပေဟောပြောပွဲမှာ ဂျာနယ်လစ်တစ်ဦး ဖြစ်တဲ့ အောင်သူထွန်း(ကလေးမြို့ )က သတင်းများနှင့်ခရီးသွားခြင်း၊ ဆရာသမုတိသစ္စာ က ဘ၀နှင့် အတွေ့ အကြုံ များ၊ ဆရာသန်းရွှေဦး က စာပေအရေးအသားနဲ့ သဘောတရား ၊ ဆရာ ကလေးဝင်းသူ က ကဗျာများအကြောင်းသိကောင်းစရာ စတဲ့ ခေါင်းစဉ် များနဲ့ ဟောပြောခဲ့ပါတယ်။
ကလေးဒေသမှာ တော့ စာပေ အသိုင်းအ၀ိုင်း ကြီးမားပြီး လူငယ် ကလောင်ရှင်များ စွာထွက်ပေါ်နေပြီး ဒီအထဲက သူရ(ကလေး)၊ သော်တာစံ ၊ စတဲ့ ကလောင်တွေ ဟာ မဂ္ဂဇင်းမှာ လက်သွက် နေပါတယ်။ ကြိုးစားနေတဲ့ စာပေ၀ါသနာ ရှင် အများ စု ရှိနေပြီး နေသာပညာဒါန မှာလည်း အပတ်စဉ် စာဖတ်ပွဲတွေကို ပြုလုပ်နေတယ်လို့ နေသာပညာဒါနက ဆရာ အောင်ဆန်းလင်းက ပြောပြပါတယ်။
Subscribe to:
Post Comments (Atom)
No comments:
Post a Comment